Match Report Mold v Bala Oct 22nd 2016
By Martin Thomas
Match Report Mold v Bala Oct 22nd 2016
Dechreuodd Yr Wyddgrug gyda mwy o dân yn eu boliau na’r Bala gyda blaenwyr cryf yn derbyn y bêl ar gyflymder ac ennill tir da. Roedd hyn yn arwydd cynnar bod prynhawn caled o flaen Y Bala.
Llwyddodd Yr Wyddgrug i ennill llinell yn nwy ar hugain Y Bala ac wedi tafliad taclus, ffurfiwyd sgarmes a oedd yn hyrddio’n gryf at y llinell gais. Er gwaethaf ymdrechion Y Bala nid oedd modd rhwystro’r ymosodiad. Cais a throsiad cynnar – 7-0 i’r Wyddgrug.
Deffrodd Y Bala ar ôl dechrau araf a llwyddwyd i dorri’r llinell ar ambell achlysur. Ond yn rhy aml, roeddent yn cael eu cosbi yn ardal y dacl gan roi’r fantais yn ôl i’r gwrthwynebwyr. Dyma oedd patrwm yr hanner cyntaf onibai am un gic gosb gan Rhydian i’w gwneud yn 7-3 ar yr hanner.
Dechreuodd Y Bala ar well tempo yn yr ail hanner ac roedd yr ymosodiadau’n ymddangos yn llawer mwy peryglus. Llwyddodd Y Bala i wthio’u gwrthwynebywr yn ôl at eu llinell gais eu hunain ac yn dilyn cic, cariodd Rhydian y bêl yn dda a dangos ei gryfder i ymestyn a sgorio cais cyn taro’r trosiad rhwng y pyst, 10-10.
Aeth Y Bala ar y blaen am y tro cyntaf ar ôl ail gic gosb gan Rhydian ond yn anffodus ‘doedd hyn ddim yn ddigon. Cafwyd ymosodiad ym munudau olaf y gêm gan Yr Wyddgrug wrth iddynt ail-gylchu’r bêl yn gyflym ac ymestyn i sgorio o dan y pyst. Ceisiodd Y Bala ymateb yn eiliadau ola’r gêm a phwyso ar linell gais Yr Wyddgrug ond ni chafwyd dim lwc wrth geisio torri drwodd a chiciodd y tîm cartref y bêl allan gan adael y sgôr derfynol yn 17-13.
Gêm gwpan yn erbyn Brynmawr fydd y Sadwrn nesa’. Gobeithio am well perfformiad.
Tudur Lynch